Schrift vergrößern
We wobłuku pólnych dnjow je sakski krajny zarjad za wobswět, ratarstwo a geologiju ratarjow dźensa na přepytowanske polo pola Dubrawki přeprosył. Richard Bauz z Habrachčanskeho ratarskeho zawoda wobhladuje sej pšeńcu družiny RGT reform. Zajimujo so za wunošk družiny a kajkosće rostliny dźiwa wón tež na to, kak sylnje so wone wuwiwaja. Foto: SN/Maćij Bulank
Bart (SN/BŠe). Sakscy ratarjo su hižo dlěje w ćežkim połoženju. Płaćizny mloka a druhich ratarskich wudźěłkow su tak niske kaž hišće ženje. Ćim bytostniše je, wobhonić so wo móžnych produkciskich srědkach, kiž su hospodarsce rentabelne a kotrež snano tež wunoški stopnjuja.
