Komunalni politikarjo za wosobowe ćahi mjez Wojerecami a Zhorjelcom
Wojerecy/Budyšin (SN/at). Wo Wojerecach a jich železniskim přiwjazanju je tuchwilu časćišo rěč. To zwisuje na jednej stronje z nastawacej Delnjošleskej magistralu, z dwukolijowym wutwarom a z elektrifikowanjom wotrězka Hórnikecy–Hórka–pólska mjeza. Na tamnej stronje pak njeje dotal jasne, hač budu po dotwarje magistrale mjez Wojerecami a Zhorjelcom zaso wosobowe ćahi jězdźić. Runje to pak komunalnych politikarjow jima, wšako wobhladuja tónle železniski zwisk jako wažny za region.