Potrjecheni čuja so wohroženi wot prawiznikow Vattenfalla
Wjelcej/Choćebuz (SN/BŠe). Přez prawiznisku kencliju žada sej koncern Vattenfall wot Choćebuskeho sudnistwa, potrjechenemu, kiž ma po wšěm zdaću wulke škody na swojim wobsydstwje hórnistwa dla, płaćenje pomocneje procesneje přiražki njepřizwolić. Prawiznicy Vattenfalla twjerdźa, zo nima skóržba wulke wuhlady na wuspěch. W samsnym lisće sej Vattenfall wot sudnistwa žada, móžnu skóržbu potrjecheneho wotpokazać. Kóšty jednanja měł skóržbnik přewzać. List kaž tež foto wo škodach Serbskim Nowinam předležitej.