Forum za inowatiwnymi wotmołwami pytał
Stróža (JK/SN). Dźeń a wjace ludźi, tež w Sakskej, wužiwa bjezpłatny poskitk so w lěsu wočerstwjeć. Tele prawo je dźě tež w lěsnym zakonju zakótwjene. Wu- znam lěsa jako ekologiski system a jeho wukon za towaršnosć pak so skerje mjenje wobkedźbujetej. Přiběrajcy so hospodarske wužiwanje a hladanje lěsa kaž tež produkcija drjewa bóle hač hdy wólnočasnym zajimam wobydlerjow w zwisku z lěsom spřećiwjeja. Moderne lěsnistwo ma so z tym rozestajeć a inowatiwne wotmołwy nastupajo rosćace wočakowanja čłowjeka na lěs namakać.