Park „Trixi“ je cyłoněmske wočerstwjenišćo

póndźela, 13. měrca 2017
artikl hódnoćić
(0 )
Wulkošunowski park „Trixi“ je mjez ludźimi jara woblubowany. Rady přichadźeja tam swójby – a to z cyłeje Němskeje.  Foto: Tobias Ritz Wulkošunowski park „Trixi“ je mjez ludźimi jara woblubowany. Rady přichadźeja tam swójby – a to z cyłeje Němskeje. Foto: Tobias Ritz

Wulki Šunow (Großschönau) (AK/K). Wulkošunowski park „Trixi“ z kupjelu, dowolowymi domčkami, gastronomiju a campingownišćom je dale bóle cyłoněmske wočerstwjenišćo. „Hłownje drje su hosćo ze Sakskeje, spochi wjac pak tež z Braniborskeje, Berlina a samo Bayerskeje“, powěda jednaćelka parka Annette Scheibe. Loni wopyta park 20 200 ludźi. Přerěznje pjeć dnjow su wopytowarjo w dowolowych domčkach abo na campingownišću přebywali. Tuchwilu ma Trixi-park­ 96 dowolowych domčkow, 600 łožow za dowolnikow a campingownišćo ze 100 městnami za stany a caravany.

Pućowanje po přirodźe a kolesowanje stej hłownej motiwaciji, w kónčinje přebywać. Přiwšěm wužiwaja předewšěm w pódlanskej sezonje tež šulske rjadownje poskitki přebywanišća. Tole přino­šuje k intensiwnišemu wućeženju.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND