Wot Wochožanskeje jamy dotal potrjecheni nadźijeja so podpěry
Trjebin/Slepo/Drježdźany (SN/BŠe). Tysac prašenjow je rozrisanych, a tysac nowych nastawa. Takle hodźi so tuchwilne połoženje we łužiskim brunicowym rewěrje wopisać. Na gmejnje, kotrejž běštej dotal potrjechenej, čakaja hoberske zarjadniske nadawki. Poprawom wšak běchu w Slepom a Trjebinje z tym ličili, zo budu tam wjesne dźěle bórze wotbagrowane. Hižo lěta su tuž jenož do najnuznišich naprawow inwestowali. Infrastrukturnych planow pak so wzdachu.