Wutwar Delnjošleskeje magistrale kołowokoło Łaza chětro ...

srjeda, 17. meje 2017
artikl hódnoćić
(0 )
Projektny nawoda Němskeje železnicy Ulrich Mölke zamołwja twar Delnjošleskeje magistrale. Tule pokazuje wón na wotrězk sewjernje Złyčina.  Foto: Andreas Kirschke Projektny nawoda Němskeje železnicy Ulrich Mölke zamołwja twar Delnjošleskeje magistrale. Tule pokazuje wón na wotrězk sewjernje Złyčina. Foto: Andreas Kirschke

Annemarie a Wilfried Kroschk čakataj na prěni ćah. Wšědnje dźiwataj so wuměnkarjej z Łazowskeho sydlišća nad twarskim postupom. Njedaloko jeju bydlenja je hižo wot kónca lěta 2015 twarnišćo Němskeje železnicy, hdźež nastawa zwisk mjez Hórnikecami a Pólskej – tak mjenowana Delnjošleska magistrala. Předwidźany je dwukolijowy elektrifikowany zwisk za wosobowy a nakładny wobchad. „Ležimy jara derje w časowym planje“, měni diplomowy inženjer Ulrich Mölke, wot lěta 2005 projektny nawoda Němskeje železnicy za Delnjošlesku magistralu.

Wažny rozsud je zakład projekta. Kónc měrca je so zaměrowy wobchadny zwjazk Hornja Łužica-Delnja Šleska (ZVON) schadźował a wosobowy wobchad za regionalnu železnicu na čarje Wojerecy–Zhorjelc skazał. Předewzaće ODEG dósta nadawk za přichodne dźesać lět. „To bě wažny signal. Rozsud da nam planowansku wěstotu“, projektny nawoda rozłožuje, „wšako twarimy we Łazu, Klětnom, Mikowje, Hóznicy a Niskej hnydom šěsć nowych zastanišćow. Mamy nětko wěstotu, zo su wone tež za wosobowy wobchad trěbne.“

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND