Tilich: „Žohnowanje za region“ poručenje

wutora, 23. meje 2017
artikl hódnoćić
(0 )
Jednaćel Accumotive GmbH Frank Blome, nawoda Mercedesoweho zawoda Untertürkheim Frank Deiß, sakski ministerski prezident Stanisław Tilich, zwjazkowa kanclerka Angela Merkel, šef Daimler AG Dieter Zetsche a čłon předsydstwa Mercedes Benz Marcus Schäfer (wotprawa) su wčera w Kamjencu zakładny kamjeń za nowu twornju baterijow połožili.  Foto: Janek Wowčer Jednaćel Accumotive GmbH Frank Blome, nawoda Mercedesoweho zawoda Untertürkheim Frank Deiß, sakski ministerski prezident Stanisław Tilich, zwjazkowa kanclerka Angela Merkel, šef Daimler AG Dieter Zetsche a čłon předsydstwa Mercedes Benz Marcus Schäfer (wotprawa) su wčera w Kamjencu zakładny kamjeń za nowu twornju baterijow połožili. Foto: Janek Wowčer

W Kamjencu zakładny kamjeń za dalšu twornju baterijow połožili

Kamjenc (SN/JaW). Daimler AG budźe wot klětušeho w nowym druhim Kamjenskim zawodźe dźowki Deutsche Accu­motive litiumo-ionowe baterije za awta twarić. K tomu su wčera w Lessin­gowym měsće zamołwići koncerna zhromadnje z kanclerku Angelu Merkel a sakskim ministerskim prezidentom Stanisławom Tilichom (wobaj CDU) symboliski zakładny kamjeń za nowu twornju połožili. Do kamjenja w formje awtobaterije, připrawjeneho na sakskim pěskowcu, połožichu mjez druhim Tilich, Merkel a šef Daimler AG Dieter Zetsche swoje narěče kaž tež aktualnu regionalnu nowinu dnja a rukajcy z napisom wobeju firmow jako znamjo za sobudźěłaćerjow.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND