Lukratiwne premije trěbne poručenje

pjatk, 16. měrca 2018
artikl hódnoćić
(0 )

Wupřestrěwaceje swinjaceje mrětwy dla so ratarjo starosća

Lejno (SN/BŠe). „Skónčnje mamy jednanjakmane knježerstwo. Koaliciske zrěčenje je podpisane a ministrojo wobłukow spřisahane.“ To rjekny předsyda regionalneho burskeho zwjazka Budyšin-Kamjenc Stefan Triebs wčera na informaciskim zarjadowanju w Lejnje. Wón so nadźija, zo nowa zwjazkowa ratarska ministerka Julia Klöckner (CDU) zhromadne dźěło ze zwjazkowym wobswětowym ministerstwom polěpši. Dotal knježeše skerje blokada, štož pokazowaše tež lońša plakatowa akcija bywšeje wobswětoweje ministerki Barbary Hendricks (SPD), kotraž bě burske kaznje přeformulowała. Jedna tajka na přikład rěkaše: „Steji-li swinjo na jednej nóžce, je chlěw přemały.“ Poprawom chcyše Hendricks z hrónčkami debatu wo přichodźe europskeje agrarneje politiki nastorčić. Z kampanju pak je wona ratarsku branšu wohańbiła. Wo lěpši zwisk mjez ministerstwomaj měła so tohorunja nowa wobswětowa ministerka Svenja Schulze (SPD) starać.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND