„Přesydlenje je ćežki proces“ poručenje

pjatk, 29. měrca 2019
artikl hódnoćić
(0 )
Hač do lěta 2024 maja so wobydlerjo Miłoraza přesydlić. Wotpowědne zakładne zrěčenje su gmejna Trjebin z wjesnjanostu Walde marom Locku (2. wotprawa), gmejna Slepo z wjesnjanostu Reinhardom Borkom (naprawo) a brunicowy koncern Łužiska energija a milinarnje LEAG z předsydu Helmarom Rendezom (nalěwo) wčera w Miłorazu podpisali. Foto: Andreas Kirschke Hač do lěta 2024 maja so wobydlerjo Miłoraza přesydlić. Wotpowědne zakładne zrěčenje su gmejna Trjebin z wjesnjanostu Walde marom Locku (2. wotprawa), gmejna Slepo z wjesnjanostu Reinhardom Borkom (naprawo) a brunicowy koncern Łužiska energija a milinarnje LEAG z předsydu Helmarom Rendezom (nalěwo) wčera w Miłorazu podpisali. Foto: Andreas Kirschke

Zakładne zrěčenje wo Miłorazu podpisali

Miłoraz (AK/SN). Cyłkownje 642 lět po załoženju słowjanskeho sydlišća Miło­raženjo swoju domiznu spušća, štož je za nich wulki wopor. Hač do kónca lěta 2024 ma přesydlenje na sewjer Slepoho při Dźěwinskim puću zwoprawdźene być.

„Hakle nowa domizna budźe nas wučić, što na Miłorazu mějachmy. Nadźijam so, zo so wjes na nowym stejnišću tak wuwije, kaž ju znajemy“, podšmórny wjesnjanosta Waldemar Locke (CDU) wčera něhdźe 100 wobydlerjam a hosćom. Zhromadnje z ministerskim prezidentom Sakskeje Michaelom Kretsch­merom (CDU) a krajnym radu Zhorjelskeho wokrjesa Berndom Langu (CDU) su na žurli hosćenca „K wotpočinkej“ zakładne zrěčenje wo přesydlenju podpi­sali. Na to dojednali běchu so nawoda předsydstwa koncerna Łužiska energija a milinarnje (LEAG) dr. Helmar Rendez, nawoda hórniskeho wobłuka LEAG Uwe Grosser, Trjebinski wjesnjanosta Waldemar Locke a wjesnjanosta gmejny Slepo, hdźež so wjetšina Miłoražanow zasydli, Reinhard Bork (wobaj CDU).

wozjewjene w: Hospodarstwo
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND