Znowa wuspěšnu „pózdnju změnu“ přewjedli

wutora, 18. junija 2019
artikl hódnoćić
(0 )
Annalena Schwede z Drježdźan je ze staršimaj na Budysku „pózdnju změnu“ přijěła a so wo tudyšich powołanskich móžnosćach wobhoniła. Jeje staršej pochadźataj ze Słoneje Boršće a Serbskich Pazlic.  Foto: Carmen Schumann Annalena Schwede z Drježdźan je ze staršimaj na Budysku „pózdnju změnu“ přijěła a so wo tudyšich powołanskich móžnosćach wobhoniła. Jeje staršej pochadźataj ze Słoneje Boršće a Serbskich Pazlic. Foto: Carmen Schumann

Budyšin (CS/SN). Wosebitu „pózdnju změnu“ w Budyšinje su minjeny pjatk druhi raz přewjedli. To wotewrěchu předewzaća swoje durje, zo móhli ludźom dohlad do swojeho produkciskeho spektruma dać, ale tež wo dorost a fachowcow wabić. Dobreho lońšeho wothłosa akcije dla su ju nětko tež susodne města Biskopicy, Kamjenc a Wojerecy přewzali. W Kamjencu wotmě so zarjadowanje tohorunja pjatk, za Biskopicy a Wojerecy móža sej zajimcy 28. junij do protyki zapisać.

W Budyšinje smědźachu zajimcy mjez dźewjeć turami wolić a so sčasom přizjewić. Wšitke běchu derje wuknihowane. Na kóždej turje běchu wopyty třoch předewzaćow předwidźane. Mjez nimi běchu­ wjetše firmy kaž Bombardier a Hentsch­ke Bau, ale tež mjeńše rjemjeslniske zawody a přede­wzaća posłužbow.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND