Budyšin (SN/BŠe). Dohladowanska rada cyrobiznoweho předewzaća Südzucker je hižo we februaru rozsudźiła, swoje stejnišćo w braniborskim Brottewitzu klětu zawrěć. Přičina toho su po słowach sobustawa předsydstwa koncerna dr. Wolfganga Herra jara niske płaćizny na swětowych wikach. Předewšěm w Indiskej, Brazilskej, Pakistanje a Thailandźe přewjele cokoroweje rěpa plahuja. Tohodla njemóža zawrěću stejnišća w Brottewitzu hižo zadźěwać. A to njewuskutkuje so jenož w něhdźe 100 kilometrow zdalenej braniborskej kónčinje, hdźež ma so 90 přistajenych wo nowe dźěłowe městno prócować, ale tež na łužiskich ratarjow.