Žadaja sej jasny signal kultusoweho ministerstwa

pjatk, 15. nowembera 2019
artikl hódnoćić
(0 )
Mjeztym zo je referendar na Budyskim powołanskošulskim centrumje za zežiwjenje a domjacnosć Křesćan Zahrodnik praktisku wuměnu mjez francoskimi a něm skimi wučomnikami přewodźał, je jich Baćoński pjekar Křesćan Rychtar při dźěle wobkedźbował.  Foto: SN/Maćij Bulank Mjeztym zo je referendar na Budyskim powołanskošulskim centrumje za zežiwjenje a domjacnosć Křesćan Zahrodnik praktisku wuměnu mjez francoskimi a něm skimi wučomnikami přewodźał, je jich Baćoński pjekar Křesćan Rychtar při dźěle wobkedźbował. Foto: SN/Maćij Bulank

Budyšin (SN/BŠe). Nimale we wšitkich rjemjeslniskich powołanjach maja předewzaćeljo ćeže wučomnikow nańć. Tak je to tež pola pjekarjow. Srjedu wura­dźo­waše zjednoćenstwo pjekarjow Budyskeho wokrjesa wo wuskutkach na powo­łanskošulski centrum za zežiwjenje a domjacnosć w sprjewinym měsće. Nimaja tam hižo dosć wučomnikow w rjadownjach. A přiběra strach, zo teoretiske wukubłanje wučomnikow na druhe stejnišćo přeměstnja. „Wot sakskeho kultusoweho ministerstwa wočakujemy hladajo na rozdźělenje stejnišćow jasne wuprajenje“, rjekny předsyda zjednoćenstwa Budyskich pjekarjow Lutz Neumann. W powołanskošulskim centrumje wšak maja wuběrne móžnosće, kwalifikowany dorost wukubłać. Nimo toho poskićeja 44 internatnych městnow. „We wólbnym boju bě často rěč wo tym, wjesne kón­činy sylnić. Město Budyšin k tomu słuša. Nadźijamy so tuž pozitiwnych wuprajenjow“, Neumann wuzběhny. Wobchadna infrastruktura z dwórnišćom a busowym dwórnišćom njedaloko centruma skićitej dobre zwiski. „Ćahi njejězdźa jenož do Drježdźan, ale tež do Budyšina.“

wozjewjene w: Hospodarstwo
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND