Protest z prózdnymi stólcami

póndźela, 27. apryla 2020
artikl hódnoćić
(0 )
Tež Dirk Exner je před swojim hosćencom z prózdnym blidom protestował.  Foto: Constanze Knappowa Tež Dirk Exner je před swojim hosćencom z prózdnym blidom protestował. Foto: Constanze Knappowa

Hosćencarjo so koronowej politice na njewšědne wašnje wobaraja

Běła Woda (CK/SN). Městna za blidami wostanu prózdne, hosćo njepřińdu. Dlěje hač měsac su hosćency koronoweje pande­mi­je dla zawrjene, a wone to dale wo­stanu. Z „ćichim protestom“ tuž zjednoćenstwo Běłowodźanskich hosćencarjow na prekerne połoženje skedźbnja: z prózdnymi blidami a stólcami.

Kuchinski šef „Wěžoweje kofejownje“ je před hosćencom samo kryte blido nasta­jił. „Bychmy na torhošću jednu akci­ju přewjesć móhli. Za to pak bychmy dowolnosć trjebali“, praji Dirk Exner. Za pa­radu prózdnych stólcow tajku njetrje­baja. A přiwšěm wona njewšědna akci­ja kedźbnosć zbudźa. Pěšcy stejo wosta­waja, šoferojo so dźiwaja. „Cyle horjeka drje naš protest njesłyša. Ale snano nas komunalni politikarjo abo branšowy zwjazk Dehoga na wědomje bjeru, zo mó­hli ćišć wukonjeć“, měni Dirk Exner.

wozjewjene w: Hospodarstwo
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND