Trajaceje suchoty dla hižo w měrcu žanu wodu do jězorow njepušćeli
Budyšin (SN/BŠe). We Łužicy je w minjenych lětach a lětdźesatkach wjac hač 12 500 hektarow jězorow po hórnistwje nastało. A koncern Łužiska energija a milinarnje (LEAG) planuje, hišće dalše wodźizny z wusłuženych brunicowych jamow wutworić. Tak ma po kóncu wudobywanja wuhla we Wochozach něhdźe 2 000 hektarow wulki jězor nastać. Z 1 490 hektarami płoniny budźe Rychwałdski trochu mjeńši. A we Wjelcej ma z 1 573 hektarami podobnje wulki jězor nastać. Hladajo na suchotu, kotraž je nas minjene lěta wosebje w lěćnych měsacach poćežowała, pak wujewja so prašenje: Zwotkel chcedźa wodu brać?
