Železniski zwisk do sewjera tola hakle w lěće 2030?

srjeda, 10. februara 2021
artikl hódnoćić
(0 )
Z njedostatkami w systemje bědźi so wobchadny zwjazk Hornje Łobjo (VVO), dokelž je ćěridłowe wozy měšćanskeje železnicy přewzało. Jědzźidła pak maja njedostatki a maja so často reparować.  Foto: Uwe Menschner Z njedostatkami w systemje bědźi so wobchadny zwjazk Hornje Łobjo (VVO), dokelž je ćěridłowe wozy měšćanskeje železnicy přewzało. Jědzźidła pak maja njedostatki a maja so často reparować. Foto: Uwe Menschner

Plany za přichodny železniski wobchad mjez Drježdźanami a Wojerecami hač do Złeho Komorowa ze stron politiki su jasne. W detailu pak je hišće mnoho problemow, kaž namjet strony Zwjazk 90/Zeleni wujewja.

Kamjenc (SN/UM). Z ćahom z Drježdźan přez Kamjenc do Wojerec abo Złeho Komorowa jěć – haj rady! Toho su sej mjeztym wšitcy přezjedni, kotřiž w regio­nalnym wosobowym bliskowobchadźe skutkuja. W zwisku ze strukturnej změnu su za to tež pjenjezy k dispoziciji, štož bě před pjeć lětami hišće njepředsta­jomne. Rozdźělne pak su měnjenja nastupajo prašenje, wot hdy budźe železniski zwisk móžny. Mjeztym zo wobchadny zwjazk Hornje Łobjo (VVO) časowy wobłuk „hač do lěta 2030“ předwidźi, chcedźa Zeleni Sakskeje tónle zaměr hižo prjedy docpěć. Za to su swójski koncept za tak mjeno­wa­ny „předběhowy wobchad“ na čarje přichodneje měšćanskoželezniskeje čary 7 nastajili, kotraž ma wot Drježdźanskeho hłowneho dwórnišća přez Kamjenc hač do Wojerec resp. Złeho Komorowa wjesć.

wozjewjene w: Hospodarstwo
Prošu přizjewće so, chceće-li komentar podać

nawěšk