Wojerecy (JoS/SN). Wojerowska towaršnosć za wu- a dalekubłanje (GAF) je minjeny pjatk swojich wučomnikow z wukubłanja wuwjazała. W 26lětnym wobstaću towaršnosće dyrbjachu zarjadowanje pod wosebitymi wobstejnosćemi korony dla přewjesć. Tak běchu zastupjerjo wukubłanskich zawodow tónkróć z pomocu livestreama pódla. Tež dalši zajimcy běchu online přitomni. Składnosć za to wužiwachu předewšěm starši a přećeljo wukubłancow. Hladajo na wobmjezowanja spytachu wuwjazanje wotchadnikow přiwšěm zmištrować. Kaž pak ­nawoda wukubłanskeho wobłuka pola GAF Kay-Uwe Schollmeier připowědźi, dyrbi jubilejne zarjadowanje „25 lět GAF“ znowa wupadnyć.