Rostliny hižo derje steja poručenje

srjeda, 14. apryla 2021
artikl hódnoćić
(0 )
Nimo dźěła z mašinami na polach maja ratarjo tež skót w hródźach abo chlěwach zastarać. W Hrańčanskim mlokowym kombinaće Agrarneje akciskeje towaršnosće Sorabia plahuja dejki, a jedna tajka ma lětny wukon nimale 10 000 litrow mloka, powěda jednaćel Sorabije Matej Korjeńk. W lěta 2014 natwarjenej hródźi dźěła mjez druhim tež studowana ratarka Luisa Jurkec. W Hrańcy bychu so wjeselili, by-li so hišće wjace ludźi za plahowanje skotu zajimowało.  Foto: Feliks Haza Nimo dźěła z mašinami na polach maja ratarjo tež skót w hródźach abo chlěwach zastarać. W Hrańčanskim mlokowym kombinaće Agrarneje akciskeje towaršnosće Sorabia plahuja dejki, a jedna tajka ma lětny wukon nimale 10 000 litrow mloka, powěda jednaćel Sorabije Matej Korjeńk. W lěta 2014 natwarjenej hródźi dźěła mjez druhim tež studowana ratarka Luisa Jurkec. W Hrańcy bychu so wjeselili, by-li so hišće wjace ludźi za plahowanje skotu zajimowało. Foto: Feliks Haza

Chłódnych temperaturow dla so dźěła na polach přiwšěm trochu dlija

Haslow/Chrósćicy/Radwor (SN/BŠe). Byrnjež nalěćo było, je za ratarjow tele dny trochu přezyma, zo móhli so porjadnje gratu přimać. Pilnje podźěłali lětsa přiwšěm hižo su, wšako je nalětni wusyw nimale zakónčeny.

Znajmjeńša na polach wokoło Haslowa tomu tak je, kotrež Matthias Rebiš z ratarskeje towaršnosće Při Čornicy wobhospodarja. „Mak, wows, hroch a žonop smy mjeztym wusyli“, wón rozprawja. Spadkow je so minjene měsacy dosć našło, tak zo móža so rostliny poprawom derje wuwić. Tež loni nazymu wusyte nětko schadźeja. Krutu zymu su rostliny tohorunja přetrali, tak zo njeje na polach žanych škodow. „Wšitko dotal jara derje wupada, hačrunjež je w delnich worštach pódy hišće deficit wody. Liču z tym, zo budźe so to potom w lěću zaso wuskutkować“, ratar wuswětla.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND