Nowy jězor zaměrnje pjelnja poručenje

srjeda, 19. meje 2021
artikl hódnoćić
(0 )
Pohlad na nowonastawacy Liškowski, tak mjenowany Choćebuski wuchodny jězor, kotryž energijowy koncern LEAG zaměrnje z wodu pjelni. Hač dosrjedź 2020tych lět ma zapławjenje zakónčene być.  Foto: Michael Helbig Pohlad na nowonastawacy Liškowski, tak mjenowany Choćebuski wuchodny jězor, kotryž energijowy koncern LEAG zaměrnje z wodu pjelni. Hač dosrjedź 2020tych lět ma zapławjenje zakónčene być. Foto: Michael Helbig

Zapławjenje bywšeje jamy derje postupuje – Zelena liga to hinak widźi

Choćebuz (SN/JaW). Energijowy koncern Łužiska energija hórnistwo AG (LEAG) ma dotalne zapławjenje Liškowskeho jězora – tak mjenowaneho Choćebuskeho wuchodneho jězora – na kromje delnjołužiskeho města za wuspěch. Tuchwilne miłe a na spadki relatiwnje bohate wjedro pjelnjenje přisporjatej.

W nowinskej zdźělence koncern pisa, zo móžachu „lětsa hižo wjac hač sto dnjow bjez přetorhnjenja wodu ze Sprjewje do jězora dawać. Je to najdlěša doba zapławjenja bjez přestawki za bywšu wuhlowu jamu.“ Započała jězor pjelnić je LEAG w aprylu před lětomaj. W tym času móžeše hižo w třoch fazach wodu z łužiskich rěkow do bywšeje wuhloweje jamy pušćeć. „Dotal najdlěša zapławjenska faza traješe wot 19. decembra 2019 do 26. měrca 2020 cyłkownje 99 dnjow“, rozłožuje nowinska rěčnica za Łužiski běrow LEAG Kathi Gerstner. „W tuchwilnej fazy, kotruž smy 27. januara zahajili, móžachmy mjeztym wjac hač dwanaće a poł miliona kubiknych metrow wody z łužiskeje Sprjewje do noweho jězora dać.“

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND