Wjesne přijimarnje měli přichodnje hinaše wupadać hač tajke w měsće
Budyšin (SN/at). Štóž loto hraje, tón swój tipowanski lisćik často hišće w jednej z dohromady 1 207 přijimarnjow předewzaća Sachsenlotto wotedawa. A tam maja wulke plany, kaž nowinska rěčnica Kerstin Waschke našemu wječornikej wobkruća. Sakska lotowa towaršnosć chce wjace přijimarnjow w swobodnym staće zarjadować. „Chcemy cyłkowny swobodny stat wopřijacu syć měć a prezencu pokazać“, jednaćel Frank Schwarz podšmórnje. Za to je předwidźane, zakonske móžnosće dospołnje wučerpać, po kotrychž je w Sakskej maksimalnje 1 300 lotowych přijimarnjow přizwolene.