Choćebuz (SN). Nowa twornja za hla­da­nje ćahow typa ICE w Choćebuzu je prěnje wulke předewzaće, financowane na zakładźe zwjazkoweho zakonja wo skru­ćenju strukturow. Předstejićel Němskeje železnicy (DB) Richard Lutz a předsyda wotrjada DB za infrastruk­turu Ronald Pofalla staj wotpowědne plany dźensa w Choćebuzu předstajiłoj. Wosebitaj hosćej prezentacije běštaj zwjazkowy minister za financy Olaf Scholz a ministerski prezident Braniborskeje Dietmar Woidke (wobaj SPD).