Originelne sportowe stacije za trenowanje přepodali

póndźela, 03. januara 2022
artikl hódnoćić
(0 )
Při Złokomorowskim jězoru su minjene dny tři treningowe stacije zjawnosći přepodali. Při Nimješćanskim přibrjohu maja mjez druhim wisaty rěbl, kotryž su někotři přitomni hnydom wupruwowali.  Foto: Julia Kussatz Při Złokomorowskim jězoru su minjene dny tři treningowe stacije zjawnosći přepodali. Při Nimješćanskim přibrjohu maja mjez druhim wisaty rěbl, kotryž su někotři přitomni hnydom wupruwowali. Foto: Julia Kussatz

Nimješk (AK/SN). Zaměrowy zwjazk braniborska Łužiska jězorina hódnotu Złokomorowskeho jězora dale stopnjuje. To podšmórny referentka předsydy zwjazka a zamołwita za marketing Dana Hüttner.

Minjene dny je zaměrowy zwjazk zhromadnje ze zastupnikami a zastupnicami města Zły Komorow (Senftenberg) tři tak mjenowane aktiwnotreningowe stacije při jězoru zjawnosći přepodał. Při Nimješćanskim (Niemtsch) přibrjohu maja zdobom staciju z wisatym rěblom. Při wuhladnej wěži na juhu jězora je naćahowanska stacija a při přibrjohu w Košynje (Großkoschen) je nastała tak mjenowana treningowa stacija za swójsku wahu. Wšitke tři stacije buchu z pomocu spěchowanja z programa Leader zhotowjene a spočatk decembra na wotpowědnych městnach nastajene. Zajimcy móža wšitke tež w zymje wužiwać.

wozjewjene w: Hospodarstwo
Prošu přizjewće so, chceće-li komentar podać

nawěšk