Tafle we wobchadnymaj zwjazkomaj krok po kroku wuměnjeja
Budyšin (SN/BŠe). Zaměrowej wobchadnej zwjazkaj ZVON (Hornja Łužica) a VVO (Hornje Łobjo) w regionje zaměrnje na tym dźěłatej, nowe tafle při busowych zastanišćach instalować. Kaž nowinski rěčnik VVO Christian Schlemper tele dny zdźěli, wšitko po planje běži. Hižo wot lěća 2019 dadźa nowe tafle z informacijemi za sobujěducych krok po kroku nastajeć a wužiwaja za to něhdźe 7,5 milionow eurow. Jeničce w regionje, kotryž VVO zamołwja, je z toho pjeć milionow eurow trěbnych. Swobodny stat Sakska wobšěrny projekt po 75 procentach spěchuje.