Stary železniski zwisk měli wožiwić, měni ciwilne zwjazkarstwo
Choćebuz (SN/at). Železniski zwisk z Berlina do Prahi njeměł jeničce přez Drježdźany a połobski doł móžny być. Tohodla so ciwilne zwjazkarstwo za to wupraja, europski direktny zwisk po kolijach z Berlina přez Choćebuz a Zhorjelc do Libereca a Prahi wutworić. Namjet stej ekologiski wobchadny klub VCD Braniborska ze swojej Choćebuskej wokrjesnej skupinu a Zelena liga z aktualnym materialom tele dny předpołožiłoj, zo byštej wo tym diskusiju nastorčiłoj.