Nowu centralu za přetrjebarjow wčera wotewrěli

pjatk, 01. julija 2022
artikl hódnoćić
(0 )
Sakska socialna ministerka Petra Köpping (SPD, nalěwo), Budyski wyši měšćanosta Alexander Ahrens (SPD, 2. wotprawa), Steffi Meißner a Andreas Eichhorst ze centrale přetrjebarjow su centralu oficialnje wotewrěli.  Foto: Carmen Schumann Sakska socialna ministerka Petra Köpping (SPD, nalěwo), Budyski wyši měšćanosta Alexander Ahrens (SPD, 2. wotprawa), Steffi Meißner a Andreas Eichhorst ze centrale přetrjebarjow su centralu oficialnje wotewrěli. Foto: Carmen Schumann

Budyšin (CS/SN). Njeje wysoko dosć hódnoćić, zo je centrala přetrjebarjow nětko wosrjedź Budyšina na Serbskej hasy 1. To je jednohłósne měnjenje wšitkich, kotřiž wobdźělichu so wčera na swjatočnym poswjećenju serwisoweho centruma. Přetož tak móža zarjadnišćo, kotrež bě dotal na Martina Hoopowej zaměstnjene, radu pytacy wobydlerjo wjele lěpje docpěć. Tohorunja je centrala lóšo přistupna, dokelž je za zbrašenych rampa instalowana. Nimo toho je w stejnišću nětko wjace personala. Město dotal je­nož jednoho sobudźěłaćerja zastarujetej centralu nětko dwě sobudźěłaćerce, mjenujcy Steffi Meißner a Katrin Pötschke. Planowane je, hišće dalšeho sobudźěłaćerja přistajić. Po potrjebje móža so dalši poradźowarjo přidružić, tak na přikład Anne Winde nastupajo energijowe prašenja a Silva Milde, kotraž ludźi nastupajo zežiwjenje poradźuje.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND