Budyšin (CS/SN). Wjacore iniciatiwy, kotrež so w Budyšinje „zelenym“ temam wěnuja, přeprosychu předwčerawšim na „Zeleny dźeń“ před Němsko-Serbske ludowe dźiwadło. Tam běchu swoje stejnišća natwarili, zo móhli wo swojich zaměrach informować a ludźi k sobu činjenju pohnuwać. Ze zastupjerjemi iniciatiwow so Manja Gruhn rozmołwješe a jich dźěło předstaji. Na te wašnje wopytowarjo na přikład wot Steffena Reitziga ze Šešowa wo skutkowanju tak mjenowanych měšćanskich hajnikow zhonichu. Hajnicy staraja so wo zranjene abo wohrožene zwěrjata w měsće.