Ratarjo kukuricu nimale dožnjeli a nazymski wusyw zahajili
Koćina/Róžant (SN/BŠe). Spadki minjenych tydźenjow su k tomu přinošowali, zo su łuki zaso zelene. Tohodla je za mnohich ludźi suchota minjeneho lěća hižo nimale zabyta. Tola ratarjo začuwaja přeco hišće wuskutki horcych měsacow. Hižo w lěću kukurica z blakami chětro hubjena steješe. Wulke straty žnjow registrowachu ratarjo předewšěm wokoło Kulowa. Wina na tym je předewšěm pěskojta póda, kotraž njezamóže wodu składować. Trajaca suchota a horce temperatury běchu ratarjam tam wulke wužadanje.