Rjemjeslnicy a hosćo spokojom

wutora, 28. měrca 2023
artikl hódnoćić
(0 )
Sazarka Marisa Wanke je minjeny kónc tydźenja na rjemjeslniskich wikach w Čornej Pumpje moderaciju zarjadowanja přewzała.  Foto: Jost Schmidtchen Sazarka Marisa Wanke je minjeny kónc tydźenja na rjemjeslniskich wikach w Čornej Pumpje moderaciju zarjadowanja přewzała. Foto: Jost Schmidtchen

Čorna Pumpa (JoS/SN). Wulka mjerwjeńca knježeše minjeny kónc tydźenja wokoło železniskeho woza na tak mjenowanym nastupnišću čo. 19 w Čornej Pumpje. Tam prezentowaše so nimale 80 rjemjeslnikow na wosebitych wikach. Wone skićachu přehlad najwšelakorišich rjemjeslniskich powołanjow. Wulki dźěl z nich zasłuža sej z tym swój wšědny chlěb, druzy wukonjeja te abo tamne rjemjesło jako hobby.

Zastupjeni běchu rjemjeslnicy z cyłeje Łužicy a zwonka njeje. Tak wobdźělichu so kamjenjećesar z Jonsdorfa, drjewo­rězbar ze Steinigtwolmsdorfa, keramiski zawod z bliskosće Lipska a kowar z Picnja. Prěni raz přijěł bě korbyplećer z bliskosće Jüterboga. Wón chwaleše pisanosć zastupjenych rjemjeslniskich powołanjow a wěšćeše wikam dobry přichod, jeli so šěroka paleta dale wobchowa.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND