Prawniske přerjadowanje brunicoweje industrije znjeměrnja zjawnosć
Budyšin/Choćebuz (SN/BŠe). Čěski mějićel předewzaća Łužiska energija a milinarnje (LEAG), koncern EPH, chce brunicowu spartu w Němskej wot lěta 2025 do sotrowskeho předewzaća z mjenom EP Energy Transition (EPETR) přerjadować. Tale powěsć drje zaběra nowinarjow a potrjechenych wot minjeneje srjedy. K tomu přińdźe nimale runočasnje brizantna rozprawa we wobjimje wjac hač 40 stron, kotruž je wobswětowy zwjazk Zelena liga w Choćebuzu na internetnej stronje wozjewił. Tekst čita so kaž krimi.