Z přichodom kulturneho turizma we Łužicy so zaběrali

wutora, 12. měrca 2024
artikl hódnoćić
(0 )
Wčera na posedźenju w Złym Komorowje: W dźěłarničce wuwiwachu wobdźělnicy ideje za zhromadne dźěło w přichodźe. Foto: Serbski institut Wčera na posedźenju w Złym Komorowje: W dźěłarničce wuwiwachu wobdźělnicy ideje za zhromadne dźěło w přichodźe. Foto: Serbski institut

Zły Komorow (SN/MiP/AN). „Łužica po puću k naslědnemu kulturnemu regionej – šansy a potenciale za serbskosć w kulturnym turizmje“, rěkaše tema zjawneho posedźenja, na kotrež běštej wčera towarstwo Serbski kulturny turizm a Choćebuzka wotnožka Serbskeho instituta do Byrgarskeho domu serbskeje cyrkwje w Złym Komorowje přeprosyłoj.

Dohromady 57 zajimcow z towaršnostnych wobłukow turizm, kultura, komunalna a krajna politika a wědomosć bě přichwatało, zo bychu přednoškam připosłuchali a so na popołdnišej dwudźělnej dźěłarničce k temje dnja wobdźělili. „Cyłkownje smy z dźensnišim inputom jara spokojom. Mjez přinoškami je dobrych idejow za dźěło do přichoda, ale tež kritiskich měnjenjow, kotrež k přemyslowanju pohnuwaja“, rozprawja Pětr Brězan, předsyda towarstwa Serbski kulturny turizm.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND