Z nowej strukturu we Łužiskim rewěrje pitnu wodu do přichoda zawěsćić

Kinspork/Kamjenc (SN/at). Ludnosć we Łužiskim rewěrje tež w přichodźe spušćomnje z pitnej wodu zastarać, to je jedyn z nadawkow, kotrež maja zamołwići we wobłuku změny strukturow po kóncu wudobywanja brunicy rozrisać. Tónle zaměr před wočemi su nošerjo zjawneho zastaranja w lěće 2021 dźěłowe zjednoćenstwo „Zwjazk pitneje wody Łužiski rewěr“ (ARGE) wutworili. Jemu přisłušeja na sakskej stronje Kamjenska ewag, Komunalna zastaranska towaršnosć Łužica Běła Woda (KVL) a Zastaranske zawody Wojerecy (VBH) kaž tež braniborskej zastaraćelej Grodkowski wodowy a wopłóčkowy zaměrowy zwjazk (SWAZ) a Wodowy zwjazk Łužica (WAL) w Złokomorowskim regionje.