Komuny Łužiskeho kruha chcedźa so wo wosebite EU-připóznaće powabić

Grodk (SN/MiP). Wospjet wopytachu zastupjerjo Łužiskeho kruha wčera europski parlament w Brüsselu. Łužiski kruh – to je w Němskej jónkrótne zwjazkarstwo dohromady 56 komunalnych zastupjerjow łužiskich brunicowych kónčin w Sakskej a Braniborskej, kotrež chce wzajomnje a na derje koordinowane wašnje skutkowne ideje do přichoda regiona wuwić a zrealizować.