Kittnerec předewzaće w Hóznicy wobstajnje wučomnikow wukubłuje

Rańše słónco wokoło Hóznicy schadźa. W tymle času je rybarka Emma Kittner nazymu často wot ranja šesćich hižo po puću. Wona stara so mjez druhim wo picowanje rybow a hlada za spušćadłami kaž tež hatom za wudźenje. „Njeje to powołanje za kóždeho – na prěni pohlad zda so wone mokre, zymne a grawoćiwe być. Tola je to wulkotne powołanje – wosrjedź přirody“, 22lětna zwurazni a podšmórnje: „Rybar być to dyrbiš začuwać a chcyć. Kóždy dźeń je hinaši.“