Budyšin. Dokelž je wšědny chlěb tak wažny, swjećimy 5. meje dźeń chlěba. Składnostnje tutoho wosebiteho dnja předstajichu mištrojo zjednoćenstwa pjekarjow z Budyšina a Zhorjelca nowu chlěbowu kreaciju. Lutz Neumann z Budyšina a Gottfried Paul z Ochranowa ­prezentowaštaj „wutrobu Hornjeje Łužicy“, kotraž ma formu wutroby, ale předawa so tež jako normalny kašćikowy chlěb. Wosebitosć je, zo zhotowja jón dospołnje z lokalnych přidawkow. 70 procentow chlěba wobsteji z rožki a zbytne 30 procentow z pšeńcy. Dalši přidawk je twaroh. Tohodla wostanje dlěje čerstwy.