Planuja saněrowanje wotrězka B97 mjez Wojerecami a Grodkom

Grodk (JoS/SN). Łužiska a srjedźoněmska towaršnosć hórnistwoweho zarjadnistwa (LMBV) je planowanje za saněrowanje zwjazkoweje dróhi B 97 mjez Wojerecami a Grodkom zahajiła. Konkretnje dźe wo wotrězk dróhi pola wotbóčki Noweje Wsy we wobłuku statneje dróhi S130. Naprawa je trěbna, zo móhli tam trajnje podspódk wažneho wobchadneho zwiska w kónčinje bywšeje brunicoweje jamy „Brigitta“ stabilizować. Zo to dyrbja zamołwići dróhu dlěje zawrěć. Tuchwilu z toho wuchadźeja, zo budźe to pjeć do dźesać lět. B 97 je jedyn z najwažnišich wobchadnych zwiskow we Łužicy, kotryž dojězdźowarjo, wopytowarjo a nakładne awta wužiwaja. Wot spočatka lěta 2030 ma so tam twarić.