Plahowarnja prosatow w Němcach woswjeći lětsa 50. róčnicu swojeho wobstaća. Zawod z dohromady třinaće sobudźěłaćerjemi nawjeduje wot lěta 2020 rodźeny Spalowčan Sebastian Stolzki.

„Na wšědnym picowanskim planje steja pšeńca, mlokowy próšk, soja-buny, lucerna abo ječmjeń. Dohromady wšak mamy něhdźe 50 wšelakich wobstatkow picy za naše prosata“, powěda jednaćel kormjernje swini w Němcach Sebastian Stolzki. „Nimo toho trjebaja swěcu, dosć ruma a zabawu. Strowota a derjeměće zwěrjatow stejitej na prěnim městnje pola nas“, doda wón.

Prosatka, kotrež so tu narodźa, wostanu prěnje štyri tydźenje swojeho žiwjenja pola maćerje-rancy. Hdyž su něhdźe 28 kilogramy ćežke, wopušća zawod hižo w šěstym abo sydmym tydźenju žiwjenja. „Předawamy prosata na kormjernje swinjow po cyłej Němskej, kóždy tydźeń něhdźe 600 do 900“, znazornja jednaćel. W kormjernjach swini wotrostu zwěrjata potom dalšich 16 tydźenjow, doniž njesu něhdźe 130 kilogramow ćežke – potom su k rězu zrałe.

Spočatki zawoda