Kóšty za wěstotne naprawy na zarjadowanjach we Łužicy moderatne
Budyšin (SN/MiP). Adwent a z tym tež čas dohodownych wikow so z wulkimi kročelemi bliži. Dawno hižo su zarjadowarjo wikow swoje planowanja zahajili, do kotrychž słuša tež wěstotny koncept. Po teroristiskimaj nadpadomaj na adwentnych wikach w lěće 2016 w Berlinje a loni w Magdeburgu su wěstotne žadanja za zarjadowanja na zjawnych městnach ze stron zakonjedawarja dale a krućiše.
