Rjemjeslniska komora pomha při pytanju za wukubłanjom

Drježdźany. Nowe lěto je hižo tři tydźenje stare a kónc lěta wozjewi kóžde wjetše předewzaće swoju kónclětnu bilancu­. Tak tež rjemjeslniska komora, kotraž je dźakowna za kóždeho, kotryž zachowanje rjemjesła podpěruje.

Loni je něhdźe 2 500 muži a žonow wukubłanje w rjemjeslniskim zawodźe zahajiło. Porno lětu 2024 je tole rozrost wo 8,6 procentow. Tuta ličba płaći za komorny wobwod Drježdźany a wokoliny w směrje na wuchod a juh. „Ličby wurazliwje pokazuja, zo zaruča rjemjeslniske powołanje wukubłanje naroda a wokoliny“, praji Andreas Brzezinski, hłowny jednaćel komory. Wón je sej wěsty, zo skića rjemjeslniske zawody wučomnikam z dualnym wukubłanjom do přichoda wěste powołanje, dźěłowu perspektiwu na městnje a wuběrne móžnosće za wuspěšnu karjeru.

Najwjace nowych wučomnikow přijimachu w lěće 2025 porjedźernje awtow. Woblubowane je dale wukubłanje na mechanikarja za sanitarne, tepjenske a klimowe připrawy kaž tež na elektrikarja, blidarja a frizera.