Rozrost wućežowanja wo wjac hač 70 procentow – přidatne wagony skazane

Budyšin (SN/jp). Mnozy wučomnicy, studenća a dźěławi tutón problem znaja: Přepjelnjene ćahi a lědma městna za sedźenje. Tola z tutym problemom bědźa so zamołwići za ćahi Trilex hižo lěta dołho. „Dožiwjamy w zašłych lětach dale a sylniše naprašowanja na čaromaj Drježdźany – Zhorjelc a Drježdźany – Žitawa“, wotmołwi na naprašowanje našeho wječornika rěčnica předewzaća Krajna železnica Katerina Hagen.