Pózdnja změna w Budyšinje předewšěm staršu generaciju přiwabja

Pózdnja změna je w Budyšinje bjezdwěla tradicionalne zarjadowanje. Wone je nadal woblubowane, a to předewšěm mjez staršimi ludźimi. Tón abo tamny chce rady hišće raz za kulisy zawoda pohladać, w kotrymž je něhdy dźěłał. Młodźi ludźo poskitk skerje mjenje wužiwaja, byrnjež to jedne ze zaměrow zarjadowarjow było. We wobłuku Pózdnjeje změny chcedźa zawody poprawom wo dorost wabić. Město toho nětko zwjetša dźěd a wowka, kotrajž staj so na zarjadowanju wobdźěliłoj, swojim wnučkam wo swojich zaćišćach rozprawjataj.

20 zawodow z najrozdźělnišich branšow města je srjedź junija swoje wrota wotewrěło. Na wosom turach móžachu sej je zajimcy wobhladać. Busy za transport přewostaji firma Regiobus. Tura čo. 5 wopřiješe wopyt firmow Alstom, Polysax a Budissa agrarne produkty.

Woswjeća lětsa jubilej