Koblicy (AK/SN). Saněrowanje Hórnikečanskeho jězora budźe drje přichodne lěta zakónčena. Hač do kónca 2027 ma na juhowuchodnym přibrjohu nasyp hotowy być. Po tym slěduje napjelnjenje wobłuka, kotryž je so před lětami zesunył. „Ručež budźe nasyp hotowy, maja wěcywustojni geotechnisku wěstotu cyłeho jězora znowa hódnoćić. Wot jich posudka je wotwisne, hač móžemy kónc lěta 2028/spočatk 2029 tuchwilu zawrjene pasmo wotewrěć a z tym znajmjeńša dźěl jězora wužiwać. Wo wužiwanju wodźiznow rozsudźi potom Budyski wokrjes we wothłosowanju z krajnym zarjadnistwom za rěčne zawěry“, zwurazni referent wobłuka za wotwobaranje strachow w Sakskim wyšim hórnistwowym zarjedźe Robert Kaschkat minjenu sobotu na dnju wotewrjeneho twarnišća při jězoru. Tole woznamjenja: Kupanje, wudźenje, płachtakowanje a čołmikowanje móžeš na Hórnikečanskim jězoru najzašo zaso 2029 .