Kolebka online přistupna była

srjeda, 25. měrca 2020
artikl hódnoćić
(0 )
Samodruhe z pomocu kompjuteroweje techniki poradźować je za serbsku babu Christinu Smolinu njewšědna wěc. Tón tydźeń pak měješe wona na te wašnje w zhromadnej Swinjarčanskej praksy Kolebka zwisk ze žonami, kotrež dźěćo wočakuja. Běše to poslednje zarjadowanje mjeztym zakónčeneho kursa, kotryž běchu dotal w rumnosćach praksy wotměli.  Foto: Feliks Haza Samodruhe z pomocu kompjuteroweje techniki poradźować je za serbsku babu Christinu Smolinu njewšědna wěc. Tón tydźeń pak měješe wona na te wašnje w zhromadnej Swinjarčanskej praksy Kolebka zwisk ze žonami, kotrež dźěćo wočakuja. Běše to poslednje zarjadowanje mjeztym zakónčeneho kursa, kotryž běchu dotal w rumnosćach praksy wotměli. Foto: Feliks Haza

Serbske baby młode žony prěni króć internetnje poradźowali

Swinjarnja (SN/MiR). Njewšědne wuměnjenja wužaduja sej tuchwilu wot ludźi njewšědne rozrisanja, wosebje wot tych, kotřiž samostatnje skutkuja. Tak dźe so tuchwilu tež Kolebce, serbskim babam w Swinjarni. Loni hakle su Christina Smolina, Hanka Pawlikec a Tereza Wokowa zhromadnu praksu wutworili. Wone drje su přistajene we wšelakich chorownjach Drježdźan a Wojerec, maja pak swoju Kolebku jako samostatnje skutkowace baby. Tež wone su mjeztym z přichodnymi resp. młodymi maćerjemi internetny zwisk nawjazali. Wčera přewjedźechu w rumnosćach Smolic statoka w Swinjarni prěni online-přihotowanski kurs na porod. Baba Christina Smolina činješe to z pomocu programa Skype, z kotrymž je móžno samodruhe žony widźeć a z nimi rěčeć. Do toho běchu so přichodne maćerje hižo trójce w Swinjarni na porodnym kursu zetkali. „Nastajich w swojej praksy laptop a při sebi mějach material, kotryž za kurs trjebam“, rozłožuje Christina Smolina, „tak mějach k žonam jeničce digitalny kontakt.“

wozjewjene w: Socialne
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND