Přewodźerjo witani poručenje

štwórtk, 08. apryla 2021
artikl hódnoćić
(0 )

KiJu pyta serbskich zajimcow za poskitki w Němskich Pazlicach

Němske Pazlicy (SN/MiR). Wočerstwjenišćo při Němskopazličanskim haće w nalětnim sonje drěma. Za kulisami pak přihotuja so tam na lětušu sezonu. Mjez akterami je Biskopičanska syć za dźěći a mło­dźinu (KiJu). „Mamy wulku nadźiju, zo móžemy tam w lětnich měsacach přewjesć naše mjeztym tradicionalne prózdninske lěhwa“, praji nawoda socialneho zarjadnišća KiJu Andreas Mikus. „Tež lětsa planujemy štyri tajke lěhwa, kotrež měrja so na dźěći a młodostnych wšelakeje staroby.“ Nowostka lětsa je, zo nje­trjebaja so starši bojeć, zo maja stornopopłatk zapłaćić, jeli so lěhwo aktualnych wuměnjenjow korony dla wotměć njemóže. „Nadźijamy so, zo z tutym rjadowanjom staršich k tomu zmužimy, so pola nas přizjewić“, tak Andreas Mikus. Dwě lěhwje stej předwidźanej za hólcow a holcy wot šěsć do dźewjeć lět a dalšej za zajimcow w starobje dźesać do 16 lět. „Poskitkaj za wjetšich staj hižo derje knihowanej, za tej za dźěći su hišće někotre městna swobodne.“

wozjewjene w: Kubłanje
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha

nowostki LND