Dobra duša šule rozžohnowana

srjeda, 28. julija 2021
artikl hódnoćić
(0 )
Na Wojerowskej Zakładnej šuli „Handrij Zejler“ su so šulerjo a wučerjo minjeny pjatk z Martinu Jancynej (srjedźa) rozžohnowali.  Foto: Silwija Wjeńcyna Na Wojerowskej Zakładnej šuli „Handrij Zejler“ su so šulerjo a wučerjo minjeny pjatk z Martinu Jancynej (srjedźa) rozžohnowali. Foto: Silwija Wjeńcyna

Na poslednim dnju šulskeho lěta je so šulska słužba za Martinu Jancynu zakónčiła. Wona bě na Wojerowskej Zakładnej šuli „Handrij Zejler“ při Worjole wot 1985 to, štož so dobra duša šule mjenuje. Jako zastupowaca nawodnica je minjene lěta hodźinski plan tak zestajała, zo bě wšitko za koleginy optimalnje zrjadowane a na wosobinske wobstejnosće přiměrjene.

Kóždy na šuli, hač koleginy, šulerstwo, starši šulerjow, socialna słužba abo techniski přistajeny měješe w Martinje Jancynej stajnje wotewrjene wucho za słužbne abo tež priwatne naležnosće. Sćicha staraše so wona wo wšě małe, ale tež wulke šulske problemy, njehladajo na swjatok. Tež w času najwjetšich wužadanjow je z přećelnym optimizmom měrnje wustupowała. Wona bě na Zejlerjowej šuli najdlěje wuwučowaca a drje poslednja wučerka, kotraž so z tohole šulskeho městna na wuměnk poda, wšako ma kubłanišćo po přichodnym šulskim lěće na nowe městno přećahnyć.

wozjewjene w: Serbski powěstnik
Prošu přizjewće so, chceće-li komentar podać

nawěšk

nowostki LND