Namołwjeja k rozmyslowanju wo dalšim dźěle

štwórtk, 08. septembera 2022
artikl hódnoćić
(0 )
W předrumnosći Róžeńčanskeje administratury móžachu so hosćo towarstwa při tykancu a kofeju tež wo tam wupowěsnjenych fotach wuměnjeć. Te zbudźichu mnohe dopomnjenki na něhdyše putnikowanja.  Foto: Diana Matikowa W předrumnosći Róžeńčanskeje administratury móžachu so hosćo towarstwa při tykancu a kofeju tež wo tam wupowěsnjenych fotach wuměnjeć. Te zbudźichu mnohe dopomnjenki na něhdyše putnikowanja. Foto: Diana Matikowa

Róžant (JK/SN). Towarstwo „Naša Knjeni na Lipje“ w Róžeńće je poměrnje mało znate a lědma so wo nim w medijach pisa. Załožili su je w lěće 2012 tehdyši čłonojo Ralbičanskeje wosadneje rady ze zaměrom, so prócować wo to, zo so putniska cyrkej w Róžeńće zaso ze žiwym putniskim městnom stanje. Hłownje měło so to stać přez zhromadnu modlitwu ­a zhromadne prócowanje wšitkich česćowarjow Maćerje Božeje. K tomu je towarstwo zarjadowało měsačne modlenje na kóždej poslednjej wutorje měsaca. Tute modlenje je so wuwiło k dobrej tradiciji a dźeń a wjace ludźi so wobdźěla. Nimo toho wěnuja so čłonojo towarstwa přihotam putnikowanjow w Róžeńće a su hłowny organizator za wuhotowanje sobotnišich Božich słužbow w Róžeńće pod hesłom „Za naš lud a kraj“.

wozjewjene w: Serbski powěstnik
Prošu přizjewće so, chceće-li komentar podać

nawěšk

nowostki LND