Z małymi kročelemi započeli

wutora, 24. januara 2023
artikl hódnoćić
(0 )
Na třěše Slepjanskeje fary maja wot najnowšeho fotowoltaikowu připrawu. Wona je dźěl koncepta naslědnosće cyłeje wosady.  Foto: Constanze Knappowa Na třěše Slepjanskeje fary maja wot najnowšeho fotowoltaikowu připrawu. Wona je dźěl koncepta naslědnosće cyłeje wosady. Foto: Constanze Knappowa

Wosadu za ekologiske myslenje a skutkowanje wuznamjenili

Slepo (CK/SN). Solarna připrawa „pyši“ wot lońšeho decembra južny dźěl třěchi Slepjanskeje fary. Projekt wosadneje cyrkwinskeje rady njeměješe spočatnje jenož přiwisnikow, dokelž steji twarjenje pod škitom pomnikow. Dowolnosć pak 2021 přiwšěm dóstachu. Problemow z dodawanjom dla so předewzaće tola hišće dliješe. Připrawu instalowachu loni krótko do hód.

Fotowoltaika na třěše fary je ćežišćo w koncepće naslědnosće Slepjanskeje wosady. Mjeztym pjeć lět wobsteji za to dźěłowa skupina. Započeli su z cyle ­małymi kročelemi. W farskim zarjedźe wužiwachu jenož hišće ekologisce zhotowjenu papjeru a tak mjenowane fairnje wikowane wudźěłki, při zarjadowanjach wzdachu so plastikoweho gratu a na łukach wokoło cyrkwje hižo tak husto trawu njesyčechu, ale wusychu kwětkace měšeńcy za žiwjenski rum insektow.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND