„Łužiska ryba“ hotowa, poprawne dźěło so započnje

srjeda, 15. měrca 2023
artikl hódnoćić
(0 )
 Tina Weßollek je ze swojim knježim dworom L’Auberge w Biskopicach partnerka marki „Łužiska ryba“.  Foto: Uwe Menschner Tina Weßollek je ze swojim knježim dworom L’Auberge w Biskopicach partnerka marki „Łužiska ryba“. Foto: Uwe Menschner

Biskopicy (UM/SN). Třilětny projekt k zawjedźenju marki „Łužiska ryba“ su na zarjadowanju předwčerawšim w Biskopicach zakónčili. Olaf Franke, jednaćel Marketingoweje towaršnosće Hornja Łužica-Delnja Šleska (MGO), mjenowaše jón wuspěšny. „W tym času smy w třoch dźělnych projektach mjez druhim syć markowych partnerow natwarili kaž tež kriterije kwality za wužiwanje marki ,Łužiska ryba‘ definowali“, rjekny wón. Zdobom su digitalnu platformu ­pod wutworili, kotraž nimo karpa, pstruhi a dalšich tež jich regionalnych producentow předstaji a na turistiske móžnosće skedźbni. „Najlěpša marka ničo hódna njeje, hdyž wo njej njeinformuja“, kaž nawodnica projekta Lisa Willenberg z MGO wuzběhny.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND