Započnu z wučbu serbšćiny poručenje

srjeda, 11. meje 2016
artikl hódnoćić
(0 )

Drježdźanske towarstwo Stup dale w swojej wiziji njepopušća

Drježdźany (SN/MiR). Za něšto wjace hač dwanaće tydźenjow započnu na jednej z Drježdźanskich zakładnych šulow ze serbskorěčnej wučbu. Njeje to jenož premjera za tamniše towarstwo Stup dale, kotrež je iniciator poskitka, ale za cyłe Serbstwo. Wot 8. awgusta chcedźa na 108. zakładnej šuli w měšćanskej štwórći Strěžin spočatnje jónu tydźensce popołdnju zajimowane dźěći po dwěmaj hodźinomaj wuwučować. Budu to šulerjo wjacorych kubłanišćow sakskeje stolicy. Dohromady dwaceći dźěći je za lětsa a dalše lěta za wučbu přizjewjenych, z nich započnje wosom wot awgusta na šuli serbšćinu wuknyć. Mjez nimi su někotre, kotrež bychu rady tež regularnu wučbu wopytali. „Za to pak njebě lětsa hišće dosć přizjewjenjow, tak zo přewjedźemy spočatnje popołdniši poskitk“, rozłožuje předsyda towarstwa Stup dale dr. Andreas Kluge, „wjeselimy so wosebje, zo swójby, kotrež njejsu so dotal w towarstwje angažowali, swoje dźěći tam přizjewjeja.“ Wot šulskeho lěta 2017/2018 prócuje so towarstwo wo přidatnu dopołdnišu wučbu jako prawidłowny poskitk.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND