Prěni kubłanski wjeršk iniciatiwy Serbski sejm z mnohimi temami

Budyšin (SN/MiR/JaW). Mnohe fakty nastupajo serbske šulstwo njejsu zjawnosći znate. Tele fakty zjawnosći spřistupnić je wotmysł prěnjeho kubłanskeho wjerška iniciatiwy Serbski sejm jutře za tydźeń w Budyšinje. Po trochowanjach Serbskeho šulskeho towarstwa budźe za dźesać lět něhdźe sto serbskich wučerjow pobrachować. „A dotal njeje žadyn wupuć widźeć“, zwěsća w iniciatiwje zamołwity za kubłanje dr. Andreas Kluge, sam nan třoch dźěći w šulskej a předšulskej starobje. Chcedźa tuž na kubłanskim wjeršku mjez druhim zwěsćić, kak je so zawrjenje serbskich šulow na ličbu wučerjow wuskutkowało. Mjez druhim porěči prof. dr. Matthias Theodor Vogt ze Zhorjelca wo kulturno-politiskej situaciji w Serbach, wosebje wo financowanju.