Leksikon předmjenow poručenje

štwórtk, 26. januara 2017
artikl hódnoćić
(0 )

Dr. Timo Meškank a RCW zakónčitaj zhromadny projekt

Budyšin (SN/MiR). Budyski Rěčny centrum WITAJ přihotuje tuchwilu leksikon „Serbske předmjena“ w formje brošurki. Dr. Timo Meškank bě za to předpołožił wotpowědny manuskript. Tón su serbski superintendent Jan Malink, farar Gerat Wornar, nawodnica Dźěłanišća za serbske kubłanske wuwiwanje Choćebuz (ABC) dr. Christiana Piniekowa a wědomostnik dr. Kito Kśižank posudźowali. Brošurku chcedźa w přichodnych tydźenjach wozjewić. RCW je wuwiće a wozjewjenje organizowało. „Paralelnje k tomule produktej přihotujemy w RCW nowu internetnu stronu ze samsnym wobsahom“, praji nawodnica RCW dr. Beata Brězanowa. Leksikon wopřijima wjace hač 1 200 mjenow, kotrež su starši swojim dźěćom w běhu zašłych sto lět dawali. Zapřijate su wšitke kónčiny Łužicy. Dr. Meškank je po nastorku społnomócnjeneho za naležnosće Serbow w sakskim statnym ministerstwje za wědomosć a wuměłstwo Stanisława Brězana leksikon zdźěłał. Tak so jedyn z wjetšich, loni zahajenych projektow w RCW lětsa zakónči.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND